ഈ നാൾ, പിറന്ന നാൾ;
മറ്റുള്ളവർ പറഞ്ഞറിഞ്ഞു.
ഇതച്ഛൻ, അതമ്മ;
അതും മറ്റുള്ളവർ പറഞ്ഞറിഞ്ഞു.
ഇതു ബന്ധു, അതു ശത്രു:
അതു പറഞ്ഞു തന്നതും മറ്റുള്ളവർ.
ഇതു നിൻ ദൈവം, ,മതം, ജാതി, പാർട്ടി
ദേശം, ഭാഷ, സംസ്...കാരം . ..
ഒക്കെയും മറ്റുള്ളവർ പകർന്നു തന്നയറിവ്.
ഉള്ളിൽ പിന്നീടങ്ങോട്ടു നിറഞ്ഞതൊക്കെയും
മറ്റുള്ളവർ പകർന്നയറിവ്.
അറിവുകളെല്ലാം തിരസ്കരിച്ച്
അറിവേയില്ലാത്തൊരജ്ഞനായി
രണ്ടാമതും ജനിക്കണം.
അഞ്ജനവും മഞ്ഞളും
വെള്ളിയായാലും, ഞായറായാലും
എനിക്കെന്തെന്ന് പറയുന്ന ഒരു ദ്വിജനായ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ