വേഗവിസ്മയം
പ്രകാശവേഗത്തിൽക്കറങ്ങും മാനവഭൂവിൽ
പ്രേമത്തിനും റ്റാക്കിയോൺ വേഗം.
അതു വെറുമൊരാവേഗം.
കണ്ണുടക്കലും കരൾകൊരുക്കലും
പരിരംഭണവുമധരപാനവുമെല്ലാം സൂക്ഷ്മക്ഷണം.
ക്ഷണപ്രഭാവേഗം.
ആദ്യനോട്ടത്തിൻ്റെ ആദ്യപകുതിയിലേ തീരും
കാണലും കീഴടക്കലും
കൊടികുത്തലും.
കരിമ്പെടുത്തു വളച്ചു വില്ലാക്കി
കരിവണ്ടുകളുടെ ഞാൺകെട്ടി
മൂഢകാമൻ മുല്ലപ്പൂ തൊടുക്കും മുമ്പ്
രതിനിർവ്വേദിതരായ്, വിഷം വിസർജ്ജിച്ച്
ലാപ്റ്റോപ്പിലേക്കും പാംറ്റോപ്പിലേക്കും മടങ്ങി
ചെത്തു തുടങ്ങിയിരിക്കും പ്രതികൾ.
പയ്യെത്തിന്നാൽ പനയും തിന്നാം;
മെല്ലെത്തിന്നാൽ മുള്ളും തിന്നാം;
അതു പഴമൊഴി.
ഒരു നിമിഷത്തിൽ ഒരു പയ്യെയെങ്കിലും തിന്നണം;
ഇതു പുതു ട്വിറ്റർ മൊഴി, കണ്മണീ.
വാ കാണുംമുമ്പ് വയറ്റിലാക്കുന്ന
വേഗവിസ്മയഭൂവിൽ
നേരമ്പോക്കിനെവിടെ നേരം?
ഭോഗപൂർവ്വക്ക്രീഡകൾക്കെവിടെ സമയം? സൗകര്യം?
[വേണമെങ്കിൽ സിനിമാസ്‌ക്രീനിലാകാം]
മനക്കടൽ മഥിച്ചമൃതെടുക്കാൻ
മന്മഥനു കിട്ടുമോ തെല്ലും സാവകാശം!
[പല്ലുതേപ്പു തന്നെ കഷ്ടി,
പിന്നല്ലേ . . .]
പ്രകാശവേഗത്തിൽക്കറങ്ങും മാനവഭൂവിൽ
പ്രേമത്തിനും റ്റാക്കിയോൺ വേഗം.
അതു വെറുമൊരാവേഗം.
കണ്ണുടക്കലും കരൾകൊരുക്കലും
പരിരംഭണവുമധരപാനവുമെല്ലാം സൂക്ഷ്മക്ഷണം.
ക്ഷണപ്രഭാവേഗം.
ആദ്യനോട്ടത്തിൻ്റെ ആദ്യപകുതിയിലേ തീരും
കാണലും കീഴടക്കലും
കൊടികുത്തലും.
കരിമ്പെടുത്തു വളച്ചു വില്ലാക്കി
കരിവണ്ടുകളുടെ ഞാൺകെട്ടി
മൂഢകാമൻ മുല്ലപ്പൂ തൊടുക്കും മുമ്പ്
രതിനിർവ്വേദിതരായ്, വിഷം വിസർജ്ജിച്ച്
ലാപ്റ്റോപ്പിലേക്കും പാംറ്റോപ്പിലേക്കും മടങ്ങി
ചെത്തു തുടങ്ങിയിരിക്കും പ്രതികൾ.
പയ്യെത്തിന്നാൽ പനയും തിന്നാം;
മെല്ലെത്തിന്നാൽ മുള്ളും തിന്നാം;
അതു പഴമൊഴി.
ഒരു നിമിഷത്തിൽ ഒരു പയ്യെയെങ്കിലും തിന്നണം;
ഇതു പുതു ട്വിറ്റർ മൊഴി, കണ്മണീ.
വാ കാണുംമുമ്പ് വയറ്റിലാക്കുന്ന
വേഗവിസ്മയഭൂവിൽ
നേരമ്പോക്കിനെവിടെ നേരം?
ഭോഗപൂർവ്വക്ക്രീഡകൾക്കെവിടെ സമയം? സൗകര്യം?
[വേണമെങ്കിൽ സിനിമാസ്‌ക്രീനിലാകാം]
മനക്കടൽ മഥിച്ചമൃതെടുക്കാൻ
മന്മഥനു കിട്ടുമോ തെല്ലും സാവകാശം!
[പല്ലുതേപ്പു തന്നെ കഷ്ടി,
പിന്നല്ലേ . . .]
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ