ഭൂമിശാസ്ത്രജ്ഞന്മാർ അങ്ങനെ, ഭൂശാസ്ത്രജ്ഞർ കാടന്മാരുടെ ചിത്രം കൊണ്ട് ആഫ്രി[ക്കാ]യുടെ ഭൂപടത്തിലെ കാലിയിടങ്ങൾ കുത്തിനിറച്ചു; ആവാസത്തിനു പറ്റാതുള്ളൊരു ആസ്ത്രേലിയിലെ പട്ടണമില്ലാ സ്ഥലികളിലെല്ലാം ആനകൾ കൊണ്ടും കുത്തിനിറച്ചു. --- ജൊനാഥൻ സ്വിഫ്റ്റ്, "കവിതയെപ്പറ്റി" മനുഷ്യരാശിയുടെ മഹത്തായ സംരഭങ്ങളിലൊന്നെന്ന് വിശ്വസിക്കപ്പെടുന്ന മാനവജനോം പദ്ധതി ചെളിയിലുള്ള ഒരു ഗുസ്തിമത്സരം പോലെ , കൂടുതൽക്കൂടുതൽ, മാറിക്കൊണ്ടിരിക്കുകയാണ്. --- ജസ്റ്റിൻ ഗിലിസ്, 2000 മാനവജനോംപദ്ധതിക്കുണ്ടായ ആദ്യത്തെ അത്ഭുതത്തിന് ജീനുകളുമായ് യാതൊരു ബന്ധവുമുണ്ടായിരുന്നില്ലെന്ന് പറയുന്നതിൽ തെറ്റില്ല. 1989ൽ, വാട്സണും സിൻഡറും സഹപ്രവർത്തകരും ജനോംപദ്ധതിക്ക് പ്രാരംഭം കുറിക്കവേ, N I H ലെ അത്രയൊന്നും അറിയപ്പെടാത്ത ഒരു നാഡീജീവശാസ്ത്രജ്ഞൻ, ക്രെയ്ഗ് വെൻ്റർ ജനോംശ്രേണീനിർണ്ണയത്തിന് ഒരു കുറുക്കു വഴി മുന്നോട്ടു വച്ചു. വെൻ്റർ കലഹപ്രിയനാണ്. ദൃഢനിശ്ചയമുള്ളവൻ. കലാപകാരി. ഇടത്തരം നിലവാരമുള്ള, പരാങ്മുഖനായ വിദ്യാർത്ഥി. സമുദ്രയാനത്തിലും, തിരസവാരി ചെയ്യുന്നതിലും കമ്പമുള്ളവൻ...