രണ്ടു ദോഹ[കൾ] {ഖത്തർ പിന്നെപ്പോഴെങ്കിലും}

ദോഹ[കൾ]
{ഖത്തർ പിന്നെപ്പോഴെങ്കിലും}

 ഒന്നല്ല ചന്ദ്രനൊരായിരമുണ്ടെന്നീ
ചഞ്ചലനദീജലം കളിയായ്കാണിക്കുന്നു.
*
സത്യമൊന്നെങ്കിലും പലപലതരമെന്നീ
മിഥ്യയാം ഭുവനത്തിലെ മാനുഷരോതും പോലെ.

*
 ശൂന്യമാണെങ്കിലും ശൂന്യമേയല്ലെന്നപോൽ
ശീതളവായുവിലാകാശം ചിരിക്കുന്നു.

*
വിരിയും പൂവിനെക്കണ്ടാനന്ദിപ്പിതുപോലെ
കൊഴിയും പൂവിനെക്കണ്ടു കരയുന്നവൻ മർത്ത്യൻ.
*
രാവിലെയുണരാനും രാത്രയിലുറങ്ങാനും
യാതൊരുപ്രയാസവുമില്ലെങ്കിൽ നീ ഭാഗ്യവാൻ.